Met Negester Klein-Kariba maak die ATKV jou Bosvelddrome waar. Hierdie volhoubare leefstyl-landgoed, aangrensend tot ATKV-Klein-Kariba Vakansieoord, is perfek vir vyftigplussers op soek na 'n rustiger leefstyl.
Daar kan uit verskillende groottes wonings en ontwerpe, gebaseer op 'n kontemporêre interpretasie van historiese plaasargitektuur, gekies word. Klip uit die omgewing word boustene en die natuurlike inheemse plantegroei dien as voortuin.
Negester Klein-Kariba, met sy kenmerkende Bosveld-natuurskoon, lê in die UNESCO-erfenisgebied van Waterberg-biosfeer. Dit grens aan die ATKV-Klein-Kariba Vakansieoord en is naby Bela-Bela (Warmbad) geleë, slegs ’n uur se ry vanaf Pretoria.
Die Bela-Bela- en Waterberg-omgewing beskik oor ʼn heerlike somerreënvalklimaat, ʼn private hospitaal, topklas gholfbane en goeie winkels.
- Winkels:Bela Mall is ʼn moderne 17 800m² winkelsentrum, geleë op die rand van die dorp aangrensend aan die R101 (15,6 km)
- Gholf:Zebula Buiteklub (56 km), Elements Private Gholfreservaat (35,7 km), ens.
- Natuurreservaat:Mabalingwe Natuurreservaat (41,7 km), Zebula Natuurreservaat (56 km), Sondela Natuurreservaat & Spa (23,5 km)
- Lughawe:Bela-Bela Vliegveld (17 km)
Negester Klein-Kariba beslaan 83 ha, met genoegsame oop groen areas met verskeie soorte wild soos njalas, rooibokke en vlakvarke. ’n Groot verskeidenheid Bosveld-bome kan op die landgoed gevind word: Blinkblaar-wag-'n-bietjie, boekenhout, doppruim, karee, kiepersol, lekkerbreek, maroela en tambotie, om ʼn paar te noem.
Fasiliteite:
Negester Klein-Kariba bied net die beste fasiliteite, geriewe en aanvullende dienste aan sy inwoners:
- Klubhuis met veeldoelige saal
- Klein biblioteek
- 3 tennisbane
- 7-putjie minigholfbaan
- 8 jukskeibane
- 15 m swembad
- 4 wandelpaaie
- Boma met piekniekarea
- Speelparkie vir kinders (wat by ouma en oupa kuier!)
- 24/7 sekuriteit met biometriese toegangsbeheer
- Optieseveselkabel vir stabiele en vinnige internet
